[Carta de Isaac Díaz Pardo a Luís Seoane. 25 de julio de...

Notas: Carta mecanografada
Resumen: Con esta data existen dúas cartas. Carta enviada por Isaac Díaz Pardo a Luís Seoane en resposta á súa do 14 de xullo na que lle confirma que o mural quedou estupendamente e lamenta non facerlle unha inauguración. Coincide coas súas ideas sobre o museo de arte galego contemporáneo, propón denominalo Instituto de Arte Carlos Maside e reflexiona acerca do seu sostén, Cerámicas del Castro, e sobre a acta de constitución.

Confírmalle que vai recibir os debuxos de Maside e que xa se recibiron os seus gravados e os de Seoane para a Fundación Beiras de Vigo.

Explícalle que continuará coa mudanza ata agosto e que de maneira provisional instalou na parte baixa unha exposición do Sargadelos antiguo e actual, cerámica popular e pintura galega, para que en outubro comecen as obras da parte alta.

Adxúntalle copia dunha carta sobre as dificultades para entregar as obras para a exposición en Montevideo. Avísao de que o ministro non respondeu á súa carta sobre o permiso para Sargadelos pero que aínda así están a contratar empregados e a vender cerámica, e que tanto el como José Luis están volcados no proxecto.

Infórmao de que o Catón tivo que ir á censura previa, e de que Xosé Ramón Fernández-Oxea, Ben-Cho-Shey, lle comunicou que foi autorizado con moitas variacións.

En nota comunícalle que por correo aparte lle mandou uns folletos e encárgalle adiantarlle diñeiro a Camilo en caso necesario.