[Carta de Isaac Díaz Pardo a Luís Seoane. 22 de noviembre...

Apuntamentos: Carta mecanografada e sinatura ms. autógrafa
Resumen: Carta, coa cabeceira do "Seminario de Estudios Cerámicos. Sargadelos", enviada por Isaac Díaz Pardo a Luís Seoane ao seu regreso de Barcelona de montar a exposición en Hogarotel e en resposta á súa do día 11.

Alégrase de saber que chegarán a principios de xaneiro e lamenta que non lle chegara o catálogo de Clavé.

Confírmalle as súas sospeitas sobre a falsedade da noticia do seu novo colaborador, Mera, asegurando que non o coñece e que nunca faría nada na súa contra, poñéndolle como exemplo o caso de Arranz.

Infórmao dos movementos de Rey e Nogueira e de que levantou acta notarial negándolles facultades para delegar as súas funcións administrativas en terceiros e de que convocou xuntas extraordinarias no Castro e en Sargadelos para enxuicialos de acordo coa convocatoria que lle envía. Explícalle que eles responderon con outra xunta para o mesmo día, cuxa copia tamén lle envía.

Asegúralle que os seus avogados están a traballar na súa defensa e infórmao de que estivo con Ramón Falcón, o subdirector de Bellas Artes, e que o viu con moi boa disposición para con Sargadelos.

Confírmalle a inauguración da exposición de Pesqueira en Barcelona e de que a de Laxeiro comezará o 1 de decembro.