[Carta de Isaac Díaz Pardo a Luís Seoane. 5 de julio de...

Notas: Carta mecanografada con anotacións ms.
Resumen: Carta, coa cabeceira do "Seminario de Estudios Cerámicos. Sargadelos", enviada por Isaac Díaz Pardo a Luís Seoane, en resposta á súa do día 19 de xuño e confirmándolle as súas dos días 20 e 21.

Alégrase do éxito da súa exposición en Uruguai, envíalle recortes de prensa sobre a exposición de Barcelona e, por correo aéreo, programas e carteis do Seminario, libros de Pita e J.P. González Martí, e diapositivas da mostra de Barcelona.

En canto á formación do Patronato do Museo Carlos Maside prefire tratar o tema con el persoalmente e de momento facer o Patronato de Sargadelos, para o que precisan conseguir a calificación de Conxunto Histórico-Artístico, aspirando a que o presidente executivo sexa Álvaro Gil.

Adxúntalle copia de cartas a Mimina e a Varela, un balance do Laboratorio de Formas, e un estudo dos grupos que compoñen o capital do Castro e Sargadelos.

Enviaralle fotografías dos decorados de Salvat en canto lle cheguen.

Infórmao de que Camilo non lle enviou o certificado de estudos e da decepción que isto lle supón.