[Carta de Isaac Díaz Pardo a Luís Seoane. 6 de junio de...

Notas: Carta mecanografada
Resumen: Carta enviada por Isaac Díaz Pardo a Luís Seoane en resposta á súa do 22 de maio comentándolle que Antonio Fernández Tapia e a súa dona Manolita estiveron de visita en Sargadelos, puxérono ao tanto da súa estancia en Bos Aires e déronlle conta de Camilo.

Infórmao de que Blanco Amor tiña dúas conferencias coincidentes coa inauguración da exposición de Barcelona polo que non puido asistir, e asegúralle que lle enviará fotocopia dos recortes de prensa en canto poida.

Confírmalle que Xosé recibiu os seus debuxos para Blanco Amor e coincide na súa opinión sobre o profesor Santamarina.

Infórmao de que estivo con Álvaro Gil en Barcelona e que chegaron á conclusión de que deben formar un patronato. Cre que se podería facer de manera semellante a como se reflicte na fotocopia que lle adxunta, e que a idea é entregar en poucos días o proxecto en Madrid a Falcón, un alto cargo da Dirección General de Bellas Artes.

Asegúra que lle enviará fotos dos decorados que fixo para Salvat e critica que modificaron o debuxo e as cores do programa,o cal lle manda.

Infórmao de que estivo falando con Ramón Piñeiro e Paco del Riego sobre a posibilidade de instalar na sala alta do Museo Carlos Maside a exposición sobre libro galego ao retirala de Barcelona e de facer un seminario sobre o libro galego coincidindo coa mostra. Cren que el debería enviar unha comunicación.

Cóntalle os seus plans para as próximas exposicións na sala de Barcelona e coméntalle que das ilustracións que fixera para o libro "Xente ao lonxe" de Blanco Amor soamente autorizaron publicar dúas.

Avísao de que tomou a determinación de transferir a súa parte nas sociedades "Cerámicas del Castro, Ltda." e "Sargadelos, Ltda." aos seus fillos, en parte por tropezos con Pepe Rey, e coa intención de acercar aos seus fillos. A súa idea é seguir colaborando a través do Laboratorio de Formas e do Seminario de Estudios Cerámicos.

Precisa a súa autorización para ceder as súas participacións, o que significa a renuncia ao dereito de tanteo, polo que lle pide a súa opinión ao respecto.