[Carta de Luís Seoane a Isaac Díaz Pardo. Buenos Aires,...

Notas: Carta mecanografada con anotacións ms. e sinatura autógrafa
Bibl.: Luis Seoane : notas ás súas cartas a Díaz Pardo (1957-1979) / María América Díaz, Sada: Ediciós do Castro, 2004, doc. 105, pp. 488-493
Resumen: Carta enviada por Luís Seoane a Isaac Díaz Pardo en resposta á súa do 28 de agosto coas fotografías da pileta e da casa, as fotocopias dun artigo de Castro Arines e do artigo que lle censuraron en Barcelona, o programa de Barcelona da obra de teatro de Valle Inclán e a colección de diapositivas da exposición do libro galego.

Avísao de que non recibiu o catálogo e o "afiche" que fixo para a exposición de Clavé.

Alégrase da súa reconciliación con Mimina, da resolución dos problemas con Nogueira e Rey, e lamenta o malentendido con Camilo.

Recibiu noticias da súa casa por medio do enxeñeiro Díaz e propónlle pasar uns días en febreiro os catro xuntos en México e dende alí regresar a España.

Coméntalle a boa marcha da súa exposición na Galería Bonino e que ten pendentes de publicación unha carpeta de gravados, "Intentando matar ideas", un libro de poemas, "A maior abondamento" e unha antoloxía das súas crónicas para a audición "Galicia emigrante".

Vai a enviarlle unha nova tapa e o plan completo para o caderno do Laboratorio de Formas.

Alégrase de que lle gustaran os figuríns e agradece a súa preocupación pola saúde de Maruja, asegurando que se atopa moito mellor.

Infórmao da efervescencia cultural de Bos Aires.

En nota manuscrita Maruja Seoane manifesta a súa alegría pola reconciliación dos Díaz Pardo e comenta que estiveron fai pouco con Camilo.