[Carta de Luís Seoane a Isaac Díaz Pardo. Buenos Aires, 3...

Notas: Carta mecanografada con anotacións ms. e sinatura autógrafa
Bibl.: Luis Seoane : notas ás súas cartas a Díaz Pardo (1957-1979) / María América Díaz, Sada: Ediciós do Castro, 2004, doc. 81, pp. 391-395
Resumen: Carta enviada por Luís Seoane a Isaac Díaz Pardo informándoo de que recibiu o "Borrador de la Memoria de Sargadelos" de 1970 e o "Estudio para la incorporación" e comentándolle que sinte non poder serlle de máis utilidade.

Dille que acaba de rematar a monografía "Diego Rivera" para o Centro Editor de América Latina que se publicará en cadernos, a cal lle resultou moi interesante polo contexto histórico, e que para a mesma colección está a preparar Varela unha sobre Dalí.

Comenta que lle remite unha carta que enviou á Irmandade Galega polo que considera un ataque, absolutamente gratuito, por defender a Dieste e por aceptar integrar a comisión do "Instituto Argentino de Cultura Gallega" para o cal conceviu un plan de traballo ao que xa renunciou. Considera que se trata dunha maniobra de Valentín para evitar que estea na comisión e non porque estea en contra do libro "Os ananos" de Celso Emilio Ferreiro.

Coméntalle que, mentres está a redactar esta carta, acaba de recibir a súa do 15 de febreiro, posto que as cartas que lle envía desde Sargadelos tardan uns 15 días en chegar a Bos Aires, e tamén a de Xosé Díaz que se retrasou mes e medio.

Con respecto á homenaxe a Nós coméntalle que efectivamente falaran anteriormente de escribir unha nota pero que se esqueceu. Considera que antes de dedicarlle un número a Nós e ao Seminario de Estudios Gallegos é preciso publicar un número máis sobre deseño, arte e artesanía.

Preferiría dedicar o número ás revistas galegas importantes desa época e non só a Nós, destacando especialmente "Alfar".