[Carta de Isaac Díaz Pardo a Luís Seoane. Castro, 30 de...

Notas: Carta mecanografada
Resumen: Carta, coa cabeceira do "Seminario de Estudios Cerámicos. Sargadelos", enviada por Isaac Díaz Pardo a Luís Seoane en resposta ás súas dos días 10 e 23.

Infórmao de que presentou unha denuncia contra os avogados para intentar salvar o Castro, e de que toma nota da súa conformidade con respecto ao premio da Deputación da Coruña.

Coméntalle que estiveron na entrega do "Pedrón de Ouro" a Álvaro Gil, e que cre que deberían ter unha medalla máis estudada que incorpore o escudo de Galicia, para o que lle pide ideas.

Pensa que sería boa idea crear unha asociación de amigos do Museo Carlos Maside para axudar a manter o museo, tendo en conta a mala situación do Castro. Os socios poderían ter postos no padroado do museo, dereito a publicar e a asistir aos seus actos, etc.

Coméntalle que a xerra de Pérez Galdós a ten en casa, e que atenderán a Marucha Salgado cando chegue.

Pregúntalle polos pagadores do libro-homenaxe a Dieste e infórmao de que o caderno número 2 do Laboratorio de Formas xa está na imprenta e opina que debería levar como tapa o debuxo que fixo para o catálogo da exposición de Barcelona.

Alégrase de que estea pensando en volver, e comprende que se quede unha temporada en Madrid. Anímao a retornar definitivamente.