Album literario : Revista semanal de literatura, ciencias...

Notas: Información extraída de "Historia de la prensa gallega" de Enrique Santos Gayoso:

É unha das publicacións de maior interese das promovidas por Cid Hermida. Aínda que preferentemente literaria e con ausencia case total de textos sobre temas políticos, pode incluírse dentro da área de influencia do rexionalismo. Así, infroma das actividades da Asociación Regionalista Gallega en Ourense (nº 156) á que pertencían varios dos seus colaboradores. Entre os seus colaboradores vanagloriábase esta publicación ourensá de ter os escritores, poetas, ensaístas e xornalistas máis coñecidos de Galiza, cousa que realmente non foi así. A revista foi unha boa publicación local sen demasiadas posibilidades de acadar altos voos. No entanto, nas súas páxinas aparecen traducións de autores estranxeiros e noticias sobre eles. Por exemplo, Zola é moi habitual nestas páxinas, así como referencias ao naturalismo. Son artigos recollidos de publicacións españolas e francesas que nos dan unha idea do interese desta revista -a diferenza da maioría das súas contemporáneas galegas- polo que sucedía en Europa. As discusións sobre o lugar e os estatutos dos Juegos Florales de Galicia tamén ocupa boa parte deste Álbum Literario.
O semanario ofrece textos literarios, poemas, biografías, crítica literaria, etc. Contaba cunha sección fixa de pequenos curtos con información da localidade, que se chamaba "En serio y en broma".
Propietario-director: Luciano Cid Hermida. Colaboradores: Manuel Amore Meilán, Luis Diéguez Gayón, Hercalio Pérez Placer, Galo Salinas, Andrés Martínez Salazar, Aureliano J. Pereira, Benito Fernández Alonso, etc. Colaboradores da segunda época: Luciano Cid, Eduardo Pondal, Valentín Lamas Carvajal, Carlos Cano, Benito Losada, Mariano Alcocer, "Belisario", "Plutarco", etc.