Galicia moderna : revista quincenal ilustrada

Notas: Propietario-redactor xefe: Gerardo Álvarez Limeses, Enrique Labarta Pose.
Director: Enrique Labarta Pose.
Colaboradores: X. Rodríguez López, Lamas Carvajal, Lisardo Barreiro, Inocente Filgueira, Juan Neira Cancela, Amador Montenegro, "Camilo de Cela" (Modesto Fernández y González), "Beppo" (José Vega Blanco).
Referencias: Historia de la prensa gallega de Enrique Santos Gayoso (2014), t. I, p. 201-202
Referencias: Wikipedia. Visitada o 25 de xuño de 2025. https://www.wikidata.org/wiki/Q12389890
Error na cabeceira do ano 1, n. 14: "Pontevedra, 15 de noviembre de 1896"
A revista pódese dicir que é unha prolongación xornalística do famoso faladoiro literario da Casa do Arco. A actualidade local coméntase a "La Quincena" (sección encomendada a José Vega Blanco). Os "Atisbos", de Jesús Muruais. En "Mujerío" Torcuato Ulloa resalta as belezas femininas do seu tempo. Tamén é significativa a atención a determinados tipos populares entrañados na vida local ou arquetipos da vida popular galega (a rosquillera, a aldeá...). Estamos, en efecto, ante unha publicación dotada de certos aires modernistas, aínda que tanto nos seus colaboradores, como nos seus principais responsables, aparecen homes alleos a tan complexo movemento (Lamas Carvajal, Labarta Pose, Lisardo Barreiro...). En canto aos aspectos formais, destacouse que era o seu modelo "Blanco y negro". A impresión -todo un alarde para a época- estivo a cargo de Celestino Peón. A revista publicou desde o seu primeiro número unha "Galería de hombres felices" da que hai que apuntar as 12 descricións -texto literario máis foto-, con frecuencia sonetos, algúns en galego. Cada "hombre feliz" é un parvo de pobo moi coñecido na súa localidade. Tentaba converterse nun álbum artístico e literario, no que se ofrecera información sobre as paisaxes, as lendas, os costumes, as tradicións e as festas populares de Galicia. Ademais, incluíu textos literarios e poesías, xunto con datos biográficos de destacados escritores galegos.
Descrición baseada no: ano I, n. 1 (1/05/1897)