[Carta de Luís Seoane a Isaac Díaz Pardo. Buenos Aires,...

Notas: Carta mecanografada con anotacións ms. e sinatura autógrafa
Bibl.: Luis Seoane : notas ás súas cartas a Díaz Pardo (1957-1979) / María América Díaz, Sada: Ediciós do Castro, 2004, doc. 66, pp. 318-321
Resumen: Carta enviada por Luís Seoane a Isaac Díaz Pardo informándolle de que víu a película de Luís Buñuel "La Vía Láctea", onde aparece representada Santiago de Compostela e, máis en concreto, a rúa na que naceu Díaz Pardo, a Rúa das Hortas.

Coméntalle unha serie de actividades que se están a levar a cabo no Castro: exposicións (unha clausurada por Laxeiro); outras dúas sobre gravados de Estados Unidos e Francia no Museo Carlos Maside); conferencias (levadas a cabo por Ionesco, Julián Marías); a compañía de Teatro San Babila de Milán; e a Orquesta sinfónica de Moscú.

Explícalle que comezou a traballar na monografía de Maside (Seoane, Luis; Carlos Maside, Ediciós do Castro, 1971).

Pregúntalle se houbo novas doazóns para o Museo Carlos Maside, e se a conversa con Álvaro Gil foi fructífera.

Pola súa parte, coméntalle que vai a seguir buscando novas obras e que o 25 de xullo irase a Montevideo, a participar nunha mesa redonda de Castelao.