[Carta de Luís Seoane a Isaac Díaz Pardo. Buenos Aires,...

Notas: Carta mecanografada con anotacións ms. e sinatura autógrafa
Bibl.: Luis Seoane : notas ás súas cartas a Díaz Pardo (1957-1979) / María América Díaz, Sada: Ediciós do Castro, 2004, doc. 100, pp. 466-471
Resumen: Carta enviada por Luís Seoane a Isaac Díaz Pardo en resposta á súa do día 6 ao seu regreso de inaugurar unha exposición en Montevideo.

Relátalle a mala situación da cidade e a emigración masiva a Arxentina.

Alégrase de que Antonio Fernández Tapia e a súa dona Manolita estiveran a gusto na súa estadía en Bos Aires, e asegura non coñecer os detalles da súa conversación con Camilo.

Móstrase de acordo coa idea de trasladar a exposición sobre libro galego ao Museo Carlos Maside, e comenta que intentará chegar a tempo para enviar unha comunicación para o seminario. Coméntalle que pensa participar nas próximas exposicións de Barcelona con gravado arxentino e uruguaio.

Maniféstase en contra da constitución do Patronato do Museo Carlos Maside nos termos que lle propón, e dalle as súas motivacións ao respecto.

Coméntalle que o día 7 lle escribiu a Álvaro Gil e adxuntalle unha fotocopia da mesma.

Avísao de que se lle manda as fotos dos decorados, e o cartel da exposición de Barcelona, por correo ordinario tardará dous meses en chegar debido ao pouco tráfico marítimo entre Europa e América. Pregúntalle se recibiu o boceto da estrela de mar para a pileta de Sargadelos. Pídelle que lle envíe fotocopias das ilustracións que fixo para "Xente ao lonxe" de Blanco Amor que non lle permitiron publicar.

Outórgalle a súa autorización para poder renunciar ao dereito de tanteo, e manifesta que el tamén renunciará á súa parte de Sargadelos.

Coméntalle que está a traballar nun álbum de gravados e no libro sobre Maside, que titulará "Maside e a súa época".