El Buscapié : periódico satírico de noticias y anuncios

Notas: Redactores e colaboradores: empregaban con frecuencia un pseudónimo (El Consabido, Saca-Trapos, El Buscapié, La Sombra, El Diputado Local). Posiblemente detrás destes sobrenomes estiveran os que se coñecen como fundadores e redactores do xornal Luís Rodríguez Seoane, Claudio Cuveiro e Joaquín Buceta Solla. Máis tarde colaboraron tamén José Benito Juncal e Nicanor Rey Díaz.
Secretario de redacción: Celestino Núñez.
Variacións no subtítulo: "periódico satírico y de intereses generales" (partir do n. 2, 13 mayo 1866), "periódico semanal de intereses generales" (a partir de ca. n. 29 , 18 nov. 1866).
Na súa segunda etapa publicou unha revista de carácter festivo titulada "El Aguinaldo" para agasallar os abonados. O seu primeiro número (e posiblemente o único) saíu na noiteboa de 1867.
Tivo discusións con outras publicacións da época, sobre todo co científico-literario pontevedrés El Progreso, co que compartía redactores. Tamén polemizou co semanario La Revista da mesma cidade.
Referencias: Historia de la prensa gallega de Enrique Santos Gayoso (1990-1995), t. I, p. 150
Referencias: Wikipedia. Visitada o 26 de maio de 2025. https://gl.wikipedia.org/wiki/El_Buscapi%C3%A9_(Pontevedra)
Contén números extra.
Na primeira etapa tivo un carácter festivo, ridiculizando determinadas necesidades sociais e locais. Tivo unha segunda etapa a partir do 4 de novembro de 1866, na que deixou a un lado o seu ton festivo para tornarse nunha publicación seria, mantendo esa condición ata o 1 de agosto de 1867. A partir desta data levou como subtítulo Periódico semanal de intereses generales. Malia á súa popularidade en certos medios, o xornal cesou definitivamente pouco antes de comezar o período revolucionario, sacando en total 118 exemplares. El Buscapié encabezaba con noticias estranxeiras xerais e de Galicia, seguía con revista da prensa galega e continuaba con editoriais e producións literarias en prosa. Ademais ofrecía as seccións Variedades, Crónica local, Gacetillas, Charadas, partes telegráficos locais, movementos de buques, Anuncios e Folletín. Tratou temas como a industrialización de Galicia ou a reforma do sistema agrario. En ocasións, cando era censurado, deixaba espazos baleiros en sinal de protesta.