Gazeta de La Coruña

Notas: Director (2ª época): Manuel García Pardo.
Redactores (2ª época): Pedro Nolasco Martín, Manuel Tomás Quintana y Acuña.
Reprodución electrónica. Santiago de Compostela : Biblioteca de Galicia, 2009
Referencias: Historia de la prensa gallega de Enrique Santos Gayoso (2014), t. I, p. 6-7
Reinicio da numeración e paxinación coa 2ª época (28/01/1809).
Variacións no formato: 20 cm
A "Gazeta de La Coruña" abre sempre con noticias e informacións recibidas do estranxeiro e transcritas integramente dos xornais dos diferentes países, tales como o "Correo de Londres", ao cal adoita citar ao final da redacción para que o lector saiba de onde provén a información. O resto son noticias nacionais, do Reyno de Galicia, e locais. Na "Gazeta de La Coruña" só hai un estilo: o narrativo-ideolóxico, e unha sección: a política. Esta última contemplada desde os máis dispares lugares: Turquía, Alemaña, Suecia, Francia etc., e dentro do marco nacional, información de todas as provincias españolas (incluída Xibraltar). Tiña rivalidade co "Diario de La Coruña" que saíron no mesmo día e ano así como na mesma cidade, pero non participaron do mesmo credo. Sion embargo ambos os xornais loitaron contra os franceses e afrancesados; isto e a súa adhesión a Inglaterra, trouxéronlles as súas complicacións. En 1809 empeza a súa segunda época con novos contidos. Externamente, a única innovación foi cambiar a numeración e paxinación. Coa saída do seu primeiro número é cando comeza a súa fase afrancesada (28/01/1809). Está ao servizo da propaganda do Mariscal Ney, e é o único xornal afrancesado publicado en Galicia. De aí a súa rareza, xa que se procurou perseguir e queimar todos os exemplares. O director do xornal chegara coas tropas francesas e fuxiu con elas. Pedro Nolasco Martín, ex-frade, xa fora redactor na primeira época. Seguiu prestando servizos ata que foi descuberto como inimigo de Napoleón, contra o que publicara varios traballos. Foi destituído e encerrado como alleado mental.
Descrición baseada en: 2ª época, n. 1 (28/01/1809).