[Carta de Luís Seoane a Isaac Díaz Pardo. Buenos Aires,...

Apuntamentos: Carta mecanografada con anotacións ms. e sinatura autógrafa
Bibl.: Luis Seoane : notas ás súas cartas a Díaz Pardo (1957-1979) / María América Díaz, Sada: Ediciós do Castro, 2004, doc. 98, pp. 460-464
Resumen: Coa mesma data existen dúas cartas. Carta enviada por Luís Seoane a Isaac Díaz Pardo en resposta á súa do día 22 confirmándolle que lle chegou o catálogo da mostra do libro galego.

Alégrase dos seus éxitos e maniféstase sorprendido porque non invitara a Blanco Amor como representante dos artistas emigrados.

Pídelle que lle envíe outro catálogo e algún "afiche" e que lle solicite a Salvat os figuríns que fixo para Castelao e os proxectos de decoración para o Museo Maside.

Infórmao da visita de Francisco Pillado e Antonio Fernández Tapia. Por medio do último envioulle ao avogado Santiago Sineiro o poder que lle pediu por carta o 14 de abril para José Luis Vázquez, o libro de Blanco Amor e uns debuxos.

Confírmalle que lle vai a enviar a orla que lle pediu para a pileta de Sargadelos.

Infórmao de que está a traballar nun novo mural, preparando unha exposición para agosto, que inaugura unha de gravados en xuño en Montevideo, e que vai a participar na bienal de Tokio como invitado especial.

Avísao de que leu a copia da carta de Santamarina e comenta que non cre que debera exercer de corrector de galego, pois na súa opinión son os escritores, e o pobo, os que fan un idioma e non os historiadores ou filólogos.