Atlántida

Apuntamentos: Director artístico: José María de Labra.
Colaboradores literarios: Ramón Otero Pedrayo, Eugenio d'Ors, Gómez de la Serna, Vicente Risco, Álvaro Cunqueiro, José María Castroviejo, Miguel González Garcés, Filgueira Valverde, Ángel del Castillo, Alfonso Sastre, Antonio Prieto Puga, Luis Iglesias de Souza, Aquilino Iglesia Alvariño, Antonio Tovar Bobillo, González Alegre, etc.
Colaboradores artísticos: Cebreiro, Mariano García Patiño, José Ramón Villar Chao, Alfonso Abelenda, Urbano Lugrís, etc.
Referencias: Historia de la prensa gallega de Enrique Santos Gayoso (1990-1995), t. I, p. 716
Revista editada por un grupo de escritores, poetas e artistas coruñeses, que cunha personalidade xa acusada, independencia de criterio e sentido renovador europeísta e arraigadamente galego, lograron a aparición dunha publicación que fose medio de difusión das súas inquietudes. A portada foi deseñada por Urbano Lugrís.
A principios de 1956 foi suspendida, como outras revistas do Estado español, con motivo dos incidentes ocorridos coa morte de Ortega y Gasset, a quen se lle dedicara unha homenaxe nas súas páxinas. O número 13, dedicado a Valle Inclán, non chegou a porse á venda a causa de tal subscrición, inda que algúns exemplares xa estaban distrubuídos.
A luita contra as tendencias oficiais e oficiosas na arte, en poesía e literatura foi unha constante nesta revista. Tratáronse temas existencialistas, analizáronse as obras dos filósofos e poetas galegos e españois do momento e acompañouse todo isto cunha magnífica e desusada presentación que por si mesma era un manifesto contra o mal gusto e conformismo imperante.