Sellier, José, 1850-1922
Sellier, José, 1850-1922
(Givors, Francia, 1850 - A Coruña, España, 1922)
Apuntes biográficos/históricosJosé Sellier Loup, nado en Givors o 13 de agosto de 1850 e finado na Coruña o 21 de novembro de 1922, foi un fotógrafo galego de orixe francesa, pioneiro do cinema en Galicia.
José Sellier residiu en Lión, onde casou con Maria Farge Michelat. O seu irmán, o tamén fotógrafo Louis Sellier, nado en 1837, trasladárase a Galicia con quince anos, probablemente porque os seus pais viviran algún tempo na Coruña.
José chegou á Coruña coa súa dona en novembro de 1886, establecéndose no número 86 da rúa Real e compartindo o estudio que tiña o seu irmán no número 37 da mesma rúa.
Pouco tempo despois da súa chegada, Louis traspasoulle o negocio e os clientes por mor de querer volver a Francia. En 1894 trasladouse ao número 9 da rúa de Santo André, onde estableceu o seu nome estudio fotográfico co que superou a sona do seu irmán.
Estaba interesado nos avances que estaba realizando a fotografía neses anos de fin de século e era un cliente habitual dos irmáns Lumière. Tras ser posiblemente espectador da primeira exhibición de cinema en Galicia, en 1897 mercou aos Lumière un cinematógrafo e coincidindo coa estadía na cidade dun operador portugués que estaba realizando unha xira por Galicia con outro aparello semellante, José Sellier organizou a primeira exhibición do cinematógrafo na cidade o 23 de maio.
Tras serlle desestimada a solicitude de instalar un pavillón nos xardíns de Méndez Núñez,en outubro acondiciona o seu estudio para realizar exhibicións cinematográficas. Nese local, ademais de exhibir filmes estranxeiros mostra películas filmadas por el que son os primeiros filmes realizados en Galicia. Así, o primeiro programa, anunciado para o 17 de outubro de 1897 inclúe Entierro del General Sánchez Bregua, Fábrica de gas, Plaza de Mina e Orzán, oleaje. O único destes filmes do que se coñece a data de rodaxe é Entierro del General Sánchez Bregua, xa que foi rodado o 20 de xuño de 1897. Outras cintas rodadas por el ou o seu equipo foron entre 1897 e 1898 San Jorge, salida de misa, Fábrica de carbón, Matadero, salida de operarios, Desembarco de los heridos de Cuba en nuestro puerto ou Temporal en Riazor. En outubro de 1898 trasladou o espectáculo ao Circo Coruñés.
Entre 1898 e 1900, Sellier levou o seu aparello por outras cidades galegas: Vigo (novembro de 1898), Ferrol (xaneiro de 1900) e Santiago, na que realiza a primeira exhibición cinematográfica na cidade o 22 de xaneiro de 1900. Pouco tempo despois Sellier abandonou a súa actividade cinematográfica e volveu dedicarse en exclusiva á fotografía ata pouco antes da súa morte.
Galipedia
José Sellier residiu en Lión, onde casou con Maria Farge Michelat. O seu irmán, o tamén fotógrafo Louis Sellier, nado en 1837, trasladárase a Galicia con quince anos, probablemente porque os seus pais viviran algún tempo na Coruña.
José chegou á Coruña coa súa dona en novembro de 1886, establecéndose no número 86 da rúa Real e compartindo o estudio que tiña o seu irmán no número 37 da mesma rúa.
Pouco tempo despois da súa chegada, Louis traspasoulle o negocio e os clientes por mor de querer volver a Francia. En 1894 trasladouse ao número 9 da rúa de Santo André, onde estableceu o seu nome estudio fotográfico co que superou a sona do seu irmán.
Estaba interesado nos avances que estaba realizando a fotografía neses anos de fin de século e era un cliente habitual dos irmáns Lumière. Tras ser posiblemente espectador da primeira exhibición de cinema en Galicia, en 1897 mercou aos Lumière un cinematógrafo e coincidindo coa estadía na cidade dun operador portugués que estaba realizando unha xira por Galicia con outro aparello semellante, José Sellier organizou a primeira exhibición do cinematógrafo na cidade o 23 de maio.
Tras serlle desestimada a solicitude de instalar un pavillón nos xardíns de Méndez Núñez,en outubro acondiciona o seu estudio para realizar exhibicións cinematográficas. Nese local, ademais de exhibir filmes estranxeiros mostra películas filmadas por el que son os primeiros filmes realizados en Galicia. Así, o primeiro programa, anunciado para o 17 de outubro de 1897 inclúe Entierro del General Sánchez Bregua, Fábrica de gas, Plaza de Mina e Orzán, oleaje. O único destes filmes do que se coñece a data de rodaxe é Entierro del General Sánchez Bregua, xa que foi rodado o 20 de xuño de 1897. Outras cintas rodadas por el ou o seu equipo foron entre 1897 e 1898 San Jorge, salida de misa, Fábrica de carbón, Matadero, salida de operarios, Desembarco de los heridos de Cuba en nuestro puerto ou Temporal en Riazor. En outubro de 1898 trasladou o espectáculo ao Circo Coruñés.
Entre 1898 e 1900, Sellier levou o seu aparello por outras cidades galegas: Vigo (novembro de 1898), Ferrol (xaneiro de 1900) e Santiago, na que realiza a primeira exhibición cinematográfica na cidade o 22 de xaneiro de 1900. Pouco tempo despois Sellier abandonou a súa actividade cinematográfica e volveu dedicarse en exclusiva á fotografía ata pouco antes da súa morte.
Galipedia
Formas alternativas do nomeSellier, J., 1850-1922
Sellier Loup, José , 1850-1922
Sellier Loup, Joseph, 1850-1922
Sellier Loup, José , 1850-1922
Sellier Loup, Joseph, 1850-1922
Buscas no catálogo
Campo de Actividade
Ocupación
Xénero
Masculino
Xunta de Galicia. Información mantenida y publicada en internet por la Xunta de Galicia
Atención a la ciudadanía - Accesibilidade - Aviso legal - Mapa do portal