Bella Otero, 1868-1965
Bella Otero, 1868-1965
(Valga, Pontevedra, España, 1868 - Niza, Francia, 1965)
Apuntes biográficos/históricosAgustina del Carmen Otero Iglesias, máis coñecida como a Bela Otero ou Carolina Otero, foi unha célebre actriz, bailarina, cantante e cortesá galega residente en Francia e un dos personaxes máis destacados da Belle Époque francesa nos círculos artísticos e na vida galante de París. Nada en Valga, Pontevedra, os seus apelidos son os da súa nai, xa que nunca foi recoñecida polo pai. Dada a súa difícil situación, xa de pícara foi traballar de criada a Santiago de Compostela. Aos dez anos sufriu unha violación por parte dun veciño, Venancio Romero, alcumado "Conainas", que a deixou estéril. Aos catorce, namorou do seu compañeiro de baile Paco e fuxiron xuntos a Lisboa, até que este a abandonou. Traballou nunha compañía de cómicos ambulantes portugueses e tras deixar a compañía viuse obrigada a exercer oficios humildes para saír adiante, como traballar de criada doméstica, bailar en locais da máis diversa índole, e incluso exercer a prostitución. En 1888 coñeceu en Barcelona un banqueiro chamado Ernest Jurgens, que moveu os fíos para facela triunfar como bailarina en Francia. Foi con el até Marsella, onde axiña o abandonou e se labrou un nome por si mesma, converténdose nunha bailarina famosa en toda Francia co nome de Bela Otero. Enfatizaba a súa orixe española e presentábase como unha andaluza de orixe xitana. Perseverou neste papel toda a súa vida e realizou giras por todo el mundo como bailarina exótica e actriz, conseguindo fama internacional. Otero actuou durante moitos anos no Folies Bergère de París, onde era a estrela, e no Cirque d'Été, converténdose nunha das primeiras artistas galegas e españolas coñecidas internacionalmente. Nas súas danzas mesturaba diferentes estilos como o flamenco, os fandangos ou danzas exóticas. Tamén era unha cantante competente e tiña calidade como actriz. A pesar dos seus éxitos profesionais, Otero conseguiu ascender no mundo artístico prostituíndose e facéndose amante de numerosos homes influíntes. Era unha práctica habitual na Belle Époque, conseguindo así un diñeiro extra as mulleres do espectáculo e prestixio os homes que podían pagalo. Otero era unha das máis famosas e cotizadas da alta sociedade parisiense. Foi amante, entre outros, de Guillerme II de Alemaña, Leopoldo II de Bélxica, Afonso XIII de España, Eduardo VII do Reino Unido, dos grandes duques Pedro e Nicolás de Rusia e do escritor italiano Gabriele D'Annunzio, así como de Aristide Briand, co que mantivo unha relación que durou ata a morte do político. Deste xeito, a Bela Otero chegou a reunir unha gran fortuna que, debido á ludomanía que padecía, foi perdendo nos casinos de Montecarlo e Niza, despois de retirarse en 1910. Arruinada e soa, viviu en Niza ata o seu falecemento en 1965. Ata entón subsistiu grazas a unha pensión que lle pasaba o Casino de Montecarlo en agradecemento polos millóns de francos que nel deixara.
Formas alternativas do nomeOtero Iglesias, Agustina Carolina del Carmen, 1868-1965
Otero, Carolina , 1868-1965
Bela Otero, 1868-1965
La Bella Otero, 1868-1965
Otero, Caroline, 1868-1965
Otero, Carolina , 1868-1965
Bela Otero, 1868-1965
La Bella Otero, 1868-1965
Otero, Caroline, 1868-1965
Fontes consultadas1. Wikipedia. Visitada o 21 de xullo de 2025
Enlaces relacionados
earthGalipedia
earthWikipedia
earthBallet Nacional de España
Imaxe asociada á ficha
Buscas no catálogo
Campo de Actividade
Xénero
Femenino
Xunta de Galicia. Información mantenida y publicada en internet por la Xunta de Galicia
Atención a la ciudadanía - Accesibilidade - Aviso legal - Mapa do portal