González, Xoán Xesús, 1895-1936

González, Xoán Xesús, 1895-1936

(Cuntis, Pontevedra, España, 1895 - Santiago de Compostela, España, 1936)

Apuntes biográficos/históricosXoán Xesús González foi un mestre, xornalista, avogado, escritor e político galego. Na súa aldea natal exerceu como peón de canteiro, trasladado a Compostela estudou maxisterio, traballou como redactor en El Compostelano e formou parte da compañía de teatro da Universidade. Exerceu durante un tempo como mestre pero pediu a excedencia para poder estudar dereito. Foi dirixente da Agrupación Nacionalista Independente de Compostela, mais deixou esta agrupación no momento en que ela se integrou no Partido Galeguista, xa que Xoán Xesús era tamén secretario da agrupación socialista local de Santiago e redactor xefe do voceiro Trabajo, ademais rexentaba o seu propio bufete de avogados, mantiña con Arturo Cuadrado a librería e editorial Niké e participaba na Asociación Defensores de Santiago. Descontento ante o feble impulso autonómico do partido, en maio de 1931 fundou o Seminario de Estudos Socialistas que en agosto se converteu no partido político Unión Socialista Galega, na que se conxugaba socialismo e galeguismo, e foi director do seu voceiro oficioso Amañecer. Tralo fracaso nas eleccións de 1933, o partido disólvese, integrándose en Izquierda Republicana. En 1934 entra na directiva de Izquierda Republicana e, tras unha serie de desacordos que acabaron na súa expulsión, fundou con varios amigos a Vanguardia de Izquierda Republicana. Ao estoupar a guerra civil púxose á fronte dun grupo de cincuenta obreiros de Teo, coñecido como O Terzo de Calo, que se dirixiron cara a Compostela para defender a legalidade republicana, chegando o 20 de xullo pola noite á cidade, pero tras a ocupación da cidade polos militares, ao día seguinte Xoán Xesús foi encarcerado e permaneceu na prisión ata que os sublevados o fusilaron o 12 de setembro de 1936, na tapia do cemiterio de Boisaca, en Santiago de Compostela. Galipedia

Linked Open DataVirtual International Authority File
0000000059358243
Datos.bne.es

Formas alternativas do nomeGonzález, Juan Jesús, 1895-1936
González Fernández, Xoán Xesús, 1895-1936

Fontes consultadas1. Catálogo da Rede de Bibliotecas de Galicia. Visitado o 22 de outubro de 2019. #80596
2. Catálogo de Autoridades da Biblioteca Nacional de España. Visitado o 22 de outubro de 2019. XX1605739

Enlaces relacionados

Galipedia
Imaxe asociada á ficha

Buscas no catálogo

Obras como autor

Obras sobre esta persoa

Obras nas que colabora

Todas as obras relacionadas

Filiación

Partido Socialista Obrero Español

Ocupación

Xornalistas Políticos Avogados Escritores

Xénero

Masculino