[Carta de Luís Seoane a Isaac Díaz Pardo. Buenos Aires,...

Notas: Carta mecanografada con anotación ms. e sinatura autógrafa
Bibl.: Luis Seoane : notas ás súas cartas a Díaz Pardo (1957-1979) / María América Díaz, Sada: Ediciós do Castro, 2004, doc. 56, p. 264-267
Resumen: Carta enviada por Luís Seoane a Isaac Díaz Pardo na que lle informa de que José Blanco Amor acaba de ser despedido da revista Galicia, e lle explica que está a traballar en tres exposicións.

Dalle conta das exposicións do matrimonio Torrallardona, e das súas fillas, co grupo Molino de Viento, tamén da súa amizade con Camilo Díaz Pardo.

Infórmalle de que lle chegaron as fotografías do mural para El Castro e opina que está quedando ben e que está moi avanzado. Coméntalle que non ten noticias do mural de Vigo, nin de Paz Andrade.

Devólvelle un plano do departamento de Coruña coas reformas que quere levar a cabo e avísalle dun novo xiro bancario.

Coincide coas sospeitas que Díaz Pardo lle transmite no tocante a Sargadelos na carta do día 16, e comunícalle que o Centro Gallego vai invitar a Carballo Calero para, a continuación, corrixirse a man avisándoo de que en lugar de Carballo Calero van invitar a José María Álvarez Blázquez.

Coméntalle que acaban de ver La vergüenza de Ingmar Bergman, da que opina que reflicte perfectamente a realidade das xentes que sufren a guerra na retagarda.