[Carta de Luís Seoane a Isaac Díaz Pardo. Buenos Aires,...

Notas: Carta mecanografada con anotación ms. e sinatura autógrafa
Bibl.: Luis Seoane : notas ás súas cartas a Díaz Pardo (1957-1979) / María América Díaz, Sada: Ediciós do Castro, 2004, doc. 57, p. 268-272
Resumen: Carta enviada por Luís Seoane a Isaac Díaz Pardo na que lle pregunta polo mural de El Castro e pola sala Carlos Maside da que lle fala na carta do día 1. Dubida de se Díaz Pardo pretende facer unha sala adicada á obra de Carlos Maside no Museo del Castro, ou se o que quere é chamarlle así ao museo. Opina que non existe obra representativa do artista suficiente para encher unha sala e pensa que o museo debería chamarse Museo de Arte Gallego Contemporáneo Carlos Maside para non rebaixalo á categoría de sala ou galería comercial. Considera que as súas seccións deberían de ser: pintura, escultura, gravado, arquivo de debuxos e gravados, sección bio-bibliográfica de artistas galegos contemporáneos, e biblioteca de arte galego e arte xeral. Dalle indicacións sobre o edificio e considera importante nutrilo con doazóns de envergadura. Quere contribuir con libros e álbumes.

Imaxina que a fábrica de Sargadelos estará funcionando e coméntalle que pensa colaborar coa súa adhesión á homenaxe a Villafinez, pero que non cre conveniente expoñer pintura nesta ocasión ao non facelo nunca antes en Galicia e máis tendo en conta a súa opinión contraria ás mostras colectivas. Comunícalle que tampouco colaborará con obra para axudar a soster a Fundación Beiras de Vigo, e infórmao da decepción da xente de Montevideo por non recibir as obras a tempo para inaugurar a exposición o 15 de xullo como estaba previsto, como lle comentou na carta do 27 de maio.

Lémbralle que xa realizaron o último xiro para o departamento da Coruña.

En nota manuscrita Maruja Seoane escribe aos Díaz Pardo preguntando se recibiron un periódico e avisándoos de que lles envía un recorte da revista Primera Plana cun chiste que cre que lles gustará.