[Carta de Luís Seoane a Isaac Díaz Pardo. Buenos Aires,...

Notas: Fotocopia de carta mecanografada con anotacións e sinatura ms. autógrafa
Bibl.: Luis Seoane : notas ás súas cartas a Díaz Pardo (1957-1979) / María América Díaz, Sada: Ediciós do Castro, 2004, doc. 22, pp. 122-126
Resumen: Carta enviada por Luís Seoane a Isaac Díaz Pardo na que lle explica que o seu encargo sobre o envío de cadros da Asociación de Artistas só se podería levar a cabo en moi baixo número.
Manifesta o seu desacordo co catálogo que Díaz Pardo pensa publicar separadamente en Galicia, aducindo motivos prácticos e económicos.
Comenta a súa inquedanza con respecto ó futuro e arrepíntese de aceptar novamente a proposta de dirixir a revista "Galicia" do Centro Gallego, pola perda de tempo, a distracción e o contacto que lle supón con persoas que non son do seu agrado. Declara que preferiría centrarse no seu traballo como gravador e pintor.
Manifesta a súa desesperanza co Laboratorio de Formas e a incorformidade co desperdicio de talento que supón a emigración. Aposta pola artesanía e a arte en Galicia e por unha educación que esperte a creatividade.
Explica a súa sensación de soedade, de perda de oportunidades e a súa preferencia polo traballo manual en lugar do tecnolóxico.
Por último, alaba unha exposición do escultor Henry Moore e pídelle a Díaz Pardo noticias súas e de Galicia.
Maruja incorpora unhas liñas manuscritas dirixidas a Mimina, nas que se preocupa pola súa saúde e se interesa por toda a familia.
Isaac Díaz Pardo mandará resposta a esta carta o día 27 de xuño.