Apuntes biográficos/históricosO pontevedrés Ignacio Benito Avalle y Patiño destacou sobre todo polo seu traballo no ámbito historiográfico. No autor influíron importantes figuras da época como o Padre Sarmiento, co que mantivo unha relación epistolar da que hoxe se garda constancia. Ademais, Murguía apunta que é moi probábel que Avalle y Patiño se cartease tamén con José Cornide, ao que poría ao tanto do seu desexo de redactar unha historia da por aquel entón provincia de Tui. O autor finalmente levou a cabo a redacción desta historia de Tui que foi incluída tempo máis tarde no título xeral Memorias históricas del Reino de Galicia ou Memorias del Reino de Galicia o del Mundo. Avalle y Patiño publicaría outras obras en vida de menor relevo, deixando a medio rematar un tratado sobre a nobreza de Galicia.