Almanaque gallego ..

Notas: Colaboradores: Adolfo Vázquez Gómez, Francisco Tettamancy, Fortunato Cruces, Manuel Castro López, Eduardo Pondal, Galo Salinas Rodríguez, Prudencio Canitrot, Salvador Cabeza de León, Waldo A. Insua, Fol de Gaita (Adolfo Rey Rubial), etc.
Referencias: Historia de la prensa gallega de Enrique Santos Gayoso (1990-1995), t. I, p. 345
Ten 29 volumes en total. Este almanaque é na orde erudita a máis importante publicación galega deste xénero. A presenza de textos en lingua galega é notábel, aínda que predominan páxinas en español. No número "para 1923" publícase por primeira vez o "Conto gallego" de Rosalía de Castro, único relato escrito pola autora en lingua galega. Historia, costumismo, vida galega en Bos Aires e poesía constitúen a maioría das páxinas deste almanaque, e é escasa a presenza da temática socioeconómica e tamén da lingüística. A documentación iconográfica é moi cuantiosa. Como documento gráfico dalgúns aspectos da época posúe un valor extraordinario. Nalgúns volumes reprodúcense cadros de Ovidio Murguía, e no de 1910 hai dúas ilustracións de Castelao.