Orquesta Los Rambalts

"Fundáronse polos anos trinta. Unha das causas da formación desta orquestra foi a Lei Azaña, que deixou en excedencia a moitos músicos das bandas militares. Isto aconteceulle a algúns membros desta orquestra. Neste contexto naceu no ano 1932 o grupo musical: "Os Mozos de Paderne", chamados así porque eran todos orixinarios dese concello.
O nome actual veulles de que Pastor Asensio, bo músico, ademais de moi lido, cando oíu tocar "Os Mozos de Paderne", gustáronlle e fixo un comentario chufándoos e facendo o seguinte simil: "Son tan buenos que se les puede comparar a la orquesta francesa Rambalts".
Pouco a pouco foron acadando nome na comarca com unha das mellores orquestras daqueles tempos. Esta formación musical animou as festas das Mariñas ao longo de máis de corenta anos. Gran cantidade dos músicos da comarca tocaron nalgún momento na Orquestra Rambalts."