[Carta de Isaac Díaz Pardo a Luís Seoane. 23 de enero de...

Apuntamentos: Carta mecanografada con anotacións ms.
Resumen: Cartas escritas por Isaac Díaz Pardo a Luís Seoane en días consecutivos.

Na carta do día 23 responde á súa do día 11 mostrando a súa sorpresa pola súa decisión de non colaborar con Corredor Matheos na exposición de arte galega pois anteriormente manifestárase a favor. Indícalle que se entera por Xosé de que non quere facer a exposición de Clavé antes de marzo e infórmalle de que a selección dun executivo para Sargadelos resulta longa e cansada. Explícalle que a pileta ten unhas medidas e forma concretas porque se dedicará a competicións deportivas polo que ten que seguir as normas internacionais e que a súa dúbida era sobre o revestimento das paredes. Pensa que a idea do enxeñeiro Díaz dunha pileta de formas curvas se podería empregar noutra dedicada aos nenos. Asegura que está a favor de que este enxeñeiro colabore no proxecto pero no quere perder de vista a Albalat, por ser o autor do proxecto da Fábrica e membro do Laboratorio de Formas. Avísao de que non recibiu a carta do día 2 de decembro e volve a pedirlle que lle escriba a Sargadelos. Infórmao de que lle realizaron unha exploración do oído para comprobar se había danos e que non atoparon nada.

Na carta do día 24, mandada no mesmo correo que a anterior, Isaac informa a Luís e Maruja Seoane do falecemento da nai de Pilar Paz Andrade.