[Carta de Isaac Díaz Pardo a Luís Seoane. 28 de agosto de...

Apuntamentos: Carta mecanografada
Resumen: Carta, coa cabeceira do "Seminario de Estudios Cerámicos. Sargadelos", enviada por Isaac Díaz Pardo a Luís Seoane en resposta ás súas dos días 11, 22 e 27 de xullo, e 21 de agosto, na que confirma que nesa última data lle mandou unha carta.

Confírmalle as súas sospeitas sobre o intento dos seus socios de incapacitalo e augúralle moito éxito na próxima inauguración en Bonino.

Envíalle fotos da "Pía do Xunco" e promete unha fotografía máis clara da casiña na que está a vivir, a cal pretende que sexa o primeiro elo do "Seminario de Estudios Cerámicos".

Dalle conta da conferencia de Castro Arines sobre novos materiais e do seu entusiasmo coa escola de cerámica, na que quere colaborar.

Refírelle a posibilidade de clausurar a exposición sobre Clavé cunha conferencia de Ricard Salvat. Fala de mellora da súa situación familiar a raíz do abandono de Rosendo e Xosé da casa do Castro e do traslado de Mimina xunto a el, e da intercesión de Álvaro Gil e Castro Arines.

Asegúralle que prefire deixar morrer ó Castro antes de que interfira no futuro de Sargadelos.

Confirma que lle chegaron os debuxos para a cor das farsas de Blanco Amor e os figuríns para o grupo de baile, e que lle manda un programa da obra de Salvat completo e copia do texto que prohibiron para o catálogo, do que lle falara na carta do 22 de maio.

Maniféstase de acordo coa súa idea para o segundo caderno do Laboratorio de Formas para o que pide suxerencias e lle pregunta pola tapa.

Confírmalle a recepción do certificado de estudos de Camilo e espera que se tome en serio os estudos como Seoane lle di.

Refírelle a visita do subdirector xeral de Bellas Artes, o comisario adxunto do plan de desenvolvemento, e o gobernador civil acompañados por Álvaro Gil, e a boa predisposición para a calificación de conxunto histórico-artístico de Sargadelos.

Confírma que lle vai a enviar unhas diapositivas mellores sobre o libro e pregunta pola saúde de Maruja e pola súa visita a Galicia.