[Carta de Luís Seoane a Isaac Díaz Pardo. Buenos Aires,...

Apuntamentos: Carta mecanografada con anotacións ms. e sinatura autógrafa
Bibl.: Luis Seoane : notas ás súas cartas a Díaz Pardo (1957-1979) / María América Díaz, Sada: Ediciós do Castro, 2004, doc. 102, pp. 475-479
Resumen: Carta enviada por Luís Seoane a Isaac Díaz Pardo en resposta ás súas do 20 de xuño e 5 e 13 de xullo avisándoo de que recibiu carta de Francisco Pillado.

Recibiu as fotocopias do proxecto de decoración da pileta para a que lle da indicacións en canto as cores e asegúralle que conta con el nas decisións que afecten á fabrica de Sargadelos. Non o considera un negocio persoal senón unha empresa dedicada a afianzar a personalidade artística de Galicia e a fomentar o traballo na zona.

Coméntalle que Xosé envioulle o catálogo da exposición de Vigo e que lle vai escribir, non participou cunha ponencia no seminario sobre o libro galego debido aos atrasos do correo na Arxentina. Indica que de publicarse un libro ao respecto podería realizar o prólogo ou o epílogo.

Lamenta non poder axudalo co Patronato do Museo Carlos Maside e con Sargadelos. Avísao de que Amparo Alvajar propúxolle exportar a Xenebra porcelanas do Castro e de Sargadelos para un taller de emigrantes galegos. Pídelle que lle mande toda a propaganda que teña das fábricas.

Confírmalle que recibiu as notas e as diapositivas sobre a exposición de Barcelona e a estrea de Valle Inclán, e os libros de Pita e González Martí. Tamén recibiu incompleto o catálogo da mostra, e o programa dos esperpentos, polo que lle solicita outro íntegro.

Infórmao de que non lle chegaron fotografías dos decorados e traxes de baile galego, e de que lle vai a mandar as cores para o libro de Blanco Amor.