Apuntes biográficos/históricosIrmanastra do célebre xesuíta Pai Isla, destacou polo seu talento e dotes literarias. Tanto é así, que o seu propio irmán lle consultaba habitualmente na procura de suxestións e correcións antes de publicar algunha das súas obras. Pertenceu á Academia de Boas Letras de Oporto e foi coñecida cos apelativos de Musa Compostelana ou Perla Gallega, mantendo amizade e relación con ilustres persoeiros como o arcebispo de Santiago Alejandro Bocanegra ou o Cura de Fruíme, Diego Antonio Cernadas y Castro, do cal se di que Francisca publicou unha biografía anónima. Parece ser que tamén é autora dunha biografía do seu irmán, publicada baixo o seudónimo de J. J. de Salas. Probablemente escribiu en galego, pero pouco antes da súa morte ordenou a destrucción de todas as súas obras, sen embargo adicouse a recopilar e publicar as obras inéditas do Pai Isla. Consérvase un romance de case 100 versos adicado ao Cura de Fruíme ademáis dun manuscrito, gardado na Biblioteca Nacional, titulado Despedida de Lydia y Armindo.